July-ah LA Galaxy tan Gerrard
Liverpool captain season thara Major League Soccer club Los Angeles Galaxy pan tur Steven Gerrard chuan a club thar tana a game hmasa ber chu July 11 hian a khel dawn.
Kum 34-a upa midfielder hi International Champions Cup-a Mexico club ṭha Club America leh LA Galaxy an inkhelh hunah a inlan thei tura beisei a ni.
LA Galaxy boss Bruce Arena chuan, "Gerrard hi July 11 hmaa lo thleng turin kan beisei. A lo thlen hunah training a zawm ve nghal anga, inkhel tura a inpeih hunah a inkhel nghal ang. July 11-a kan match khelh turah hian inlan hman tura beisei a ni," a ti.
Gerrard hian Liverpool-a a team mate te nen Dubai-ah chawlh an hmang mek a, July 8 hnu lamah chuan LA Galaxy tan hian a inlan thei tawh dawn a ni.
England captain hlui hian LA Galaxy-ah kum hnih cham turin contract a ziak a, January thla khan kum 17 a lo cham tawhna Liverpool a chhuahsan tur thu a lo tichiang tawh a ni.