Real Madrid-a cham tum Gareth Bale
Santiago Bernabeu-a lawm hlawh lo ve tak Welsh winger Gareth Bale chuan an coach Carlo Ancelotti ban a nih hnuah pawh Real Madrid-a cham chhunzawm zel a beisei thu a sawi.
Khawvel footballer zinga man to ber Bale chuan, "Season ṭan a nih hmain theihtawp kan chhuah anga, season tharah chuan tun aia chak leh ṭha zawkin kan lo kir leh ang," tiin twitter lamah a ziak a, Spanish club chhuahsan tumna a neih rih loh hmel hle.
Tunhnaia Premier League club Manchester United nena an sawi zawm mek Bale hian khawvel footballer man to ber ni turin pound maktaduai 85.3 in Tottenham Hotspurs aṭangin kum 2013 khan Real Madrid a zawm a, a season hmasa berah match 46 khelin goal 24 a thun nghal a, tun season-ah erawh beisei a phak loh avangin Real fan te'n anmahni player ngei hi an au el nasa thei hle.