Malanda hriatreng nan Wolfsburg jersey

German club Wolfsburg chuan January thlaa an player boral ta Junior Malanda hriatreng nan season thara an jersey turah '19' tih an chhu kai dawn.

Kum 20 leka upa Belgian player Malanda hi January 10 khan car accident-ah a boral a, Europe khawmualpuia club leh player hrang hrangte chuan an tawrhpuina thu an lo chhuah tawh a ni.

Wolfsburg jersey tharah hian a hma lamah love sign hringin a chhungah 19 tih a inziak dawn a, hei hi Malanga jersey number hak ṭhin a ni. Wolfsburg hian an jersey thar hi vawiina German Cup final Borussia Dortmund nen an khelh hunah an ha ang.

German club ho hian an player te an boralin jersey kaltlangin an hriatrengna an lo lantir tawh ṭhin a, kum 2009 khan German club tho Hannover 96 chuan an keeper Robert Enke hriatreng nan an jersey hma lamah 1 (one) tih an lo ziak lang tawh a ni.