Tottenham-in Wimmer an lalut

North London club Tottenham Hotspur chuan Austrian defender Kevin Wimmer chu kumnga chhung White Hartlane a cham turin an lalut. An lakluhna zat hi an puang zar lo.

Kum 22-a upa central defender hian kum 2012 khan Austria club LASK Linz aṭangin Bundesliga club Cologne a zawm a, a club tan hian match 72 a khel tawh. Season liamta khan Wimmer hi Cologne player pawimawh leh rinrawl niin League match 24-ah inkhel bul a ṭan a ni.

Wimmer hi Spurs manager Mauricio Pochettino-a'n tun nipui chhunga a player lakluh hmasa ber a ni a, Wimmer hi an ram Austria tan vawi khat inlan ve tawhin June 14 a Russia nen Moscow a Euro 2016 qualifier an khelh tur atan ram aiawh tur a koh ve a ni bawk.