Bournemouth player thar King

Season thar aṭanga Premier League khel tur Bournemouth pawh an inlak belh zel a, Norway international Joshua King chu Blackburn Rovers aṭangin kum thum cham turin an lalut.

Kum 23-a upa Blackburn midfielder hian a contract neihlai hmang zo tawhin Ewood Park-a cham chhunzawm zel tura an sawmna chu hnarin Premier League club thar hi zawm a thlang ta zawk a ni.

Manchester tan pawha khel ṭhin King chuan, "Bourne­mouth manager Eddie Howe-a'n a squad a enkawl dan hian min hneh a, Bournemouth khelh dan leh ka khelh dan hi in mil hle turah ka ngai bawk. Premier League-a khelh hi thil chakawm tak a ni ve hrim hrim bawk a ni," tiin Championship club Rovers a chhuahsan chhan a sawi.