WBC Youth World Title Dinsanga hmaa ding tur Ghanaian boxer

Grassroot Boxing hmalaknain zanin hian White House, Bangalore-ah WBC Youth World Title neih a ni dawn a, LPS Pro Fight champion Laldinsanga leh Ghanaian boxer Michael Decardi Nelson te an inhmachhawn ang.

Dinsanga hian brofessional boxing a luhchilh hnuah vawi riat inhnek hmachhawn tawhin hnehna a la chang vek a, a khingpui tur Michael hi vawi kuaah vawi riat chakin ṭum khat an inhnehtawk thung.

Mizo boxer dang pawh an inlan dawn a, Lalhruaitluanga leh Ritesh Singh ten WBC India title an inchuh dawn. Anni bakah hian F. Zoramchhana leh Vanlalawmpuia te an inlan bawk ang.

Sportvot-ah inhnek hi Rs 149-in an en theih dawn a, Mizo boxer pali ngawt an inlan dawn avangin en a manhla khawp ang.