Volleyball khel thiam Dawnga a thi

Tualchhung volleyball huanga hriat hlawh C. Laldawngkima, kum 39 mi chu Ningani zan khan a boral a, nimin khan vui liam a ni.

Hunthar veng mi Dawnga hian volleyball huangah hlawhtlinna hrang hrang a chang tawh, kum 2004 CYMA Volleyball Tournament-ah khan Best Spiker niin, kum 2022 CYMA inelna huangah tho Best Setter a ni bawk.

Jharkhand General Election-ah duty kalin November 27, Nilaini khan Mizoramah a lo haw, a lo haw hnu hian a thawhah vangin Adventist Hospital panpui a ni a, doctor ten theihtawp chhuahin enkawl mah se an chhan thei ta lo a ni.

Mizoram Volleyball Association (MVA) chuan Dawnga hi an ui thu sawiin, a kalsan tak a chhungte chu Pathianin awmpui se an duh thu an sawi. Tualchhung Pro Volleyball (PVL) khelh zawh takah khan Hunthar an champion a, champion zingah Dawnga hi a la tel phak a ni.