Champion tumin ṭan kan la - Edmund

I League-ah Inter Kashi-in champion tumin sum an seng hnem a, an player pawimawh Edmund Lalrindika chuan champion ngei tuma ṭan an lak thu a sawi.

Edmund chuan, "Club-in season thara ISL khelh tumin hma a la a, champion ngei tumin squad pawh a tichhah. ISL nomawi chawi tawhtu coach Antonio López Habas an lalut a, player-te pawh theihtawp kan chhuah, " tiin Vanglaini a hrilh.

I League club hian season liam taa an coach Carlos Santamarina aiah Antonio López Habas an lalut a, assistant coach-ah erawh tun hma midfielder ṭha ṭhin Arata Izumi an la hmang chhunzawm.

Player ṭhahnem tak an la thar a, chung zingah chuan Serbian midfielder Nikola Stojanovic, Finnish midfielder Joni Kauko, Japanese defender Anand Usuda, Spanish defender David Humanes leh Moroccan forward Domi Berlanga te an tel a ni.

Inter Kashi hian match hmasa berah Edmund-a goal hmangin SC Bengaluru chu 1-0 in an hneh a, December 1, Pathianni zan dar 7:00 hian Delhi FC an hmachhawn leh dawn.