Kan dinhmun a la nghet lo - Conte

Antonio Conte chuan Serie A hmahruiatu ni mah se Napoli chu inthlahdah thei an ni lo tih a sawi a, vawi khat chetsual lekah an dinhmun hloh mai thei an lam nih avangin fimkhur taka an chet a ngai tih a sawi.

Serie A season bul an ṭan niah Napoli hi an tlawm nghal, a hnu lamah erawh insiamṭhain hmahruaitu an ni thei. Mahse, tun hnaiah chetsual an nei ve leh zauh ṭhin a, pahnihna Atalanta leh champion lai Inter Milan te nen an inkarah point khat chauh a awm.

Napoli manager Conte chuan, "Kan elpui te hi season chawhnu lamah an la hlauhawm zual dawn chauh tih ka hria, chuvangin kan tan chuan inthlahdah a remchang lo, match tin hi final ang maiin kan ngaipawimawh tur a ni ang.

"Inter Milan, Atalanta leh AC Milan te chauh hi kan sawi thei lo. AS Roma pawh manager thar hnuaiah an harh mek tih a takin kan hmu, chuvangin nomawi inchuha inel hi kan tam hle tih kan hriat a ngai," tiin a sawi.

Naples club hian tun season Serie A match 13 an khelh aṭangin point 29 an hmu - Pathianni zan dar 7:30 hian Torino khelmualah an lenglut ang.