A naute khelh danah Maresca a lungawi

Chelsea manager Enzo Maresca chuan UEFA Conference League lama a naute chet dan chu lungawi thlak a ti hle a, forward Jadon Sancho chuan goal khung lo mah se Blues tana player pawimawh a nih chhoh zel tur thu a sawi.

Ningani zan khan Chelsea hian Voith-Arena-ah Heidenheim an lenchilh a, Bundesliga table mawngphah lama talbuai lai lakah hian 2-0 in hnehna an chang. Christopher Nkunku chuan Jadon Sancho siamsak a khung a, ani bakah hian Mykhailo Mudryk chuan a khung bawk.

Chelsea manager Maresca chuan, "Tournament kan khelh tam avangin player kan mamawh tam, chuvangin kan insiksawi ṭhin reng pawh a ni. Jadon pawh kan tan a ṭangkai a, inkhel turin a rilru leh a taksa a inpeih reng tur a ni ang.

"Thui tak sawi lawk theih a ni lo a, match kan khelh hmabak zel hi vawi khatah chuan kan ngaihtuah ang," tiin a sawi. Chelsea hian Pathianni zan dar 7:00 hian Premier League khel turin Aston Villa an mikhual zui leh nghal dawn a ni.