Juventus chelhtu Luca Toni

Serie A champion Juventus-in an league match hnuhnung berah chak hmel an hmu zo lo a, Inrinni zan khan Hellas Verona nen 2-2 in an inhnehtawk.

Juventus tan Ro­berto Pereyra chuan goal hmahruai a khung a, mahse Vero­na tan Luca Toni chuan a sut. Kum 38-a upa Italian striker hian a la tar loh zia Serie A-ah pholangin goal 22 a khung tawh a, amah hnaih bertu Inter Milan striker Mauro Icardi chuan goal 20 khung tawhin nizan khan Empoli nen an inkhel a, goal a khung leh khung loh kan hre hman lo.

Juve tan Spanish forward Fernando Llorente chuan an hmahruaina goal khung leh mah se Verona tan Juanito chuan tauh lut ve lehin 2-2 in inkhel an ṭin ta a ni.

Juventus tan Argentine striker Carlos Tevez chuan penalty a pet goal lo bawk.

Kum 2006 World Cup champion Italy squad-a tel Luca Toni hi top scorer a nih chuan Verona player zinga Serie A top scorer ni thei hmasa ber a ni dawn a ni.

Inkhel dangah Filippo Inzaghi enkawl AC Milan chuan 3-1 in Atalanta an hneh bawk. Inzaghi hian season tharah Milan hi a enkawl tawh lo ang