District Inter Club Badminton Tournament 2015
May 27-30, 2015 inkar khan Mizoram Badminton Association hnuaia district 10 zinga pali ten Inter Club District Badminton Tournament 2015 an buatsaih.
Aizawl South District-ah Kulikawn Badminton Club an champion a, Aizawl Central District-ah Saron Veng Badminton Club, Aizawl North District-ah Electric Veng Badminton Club te champion-in Kolasib District-ah Venglai Shuttlers an champion thung.
District Inter Club Tournament-a team champion leh runner-up te hi season tawpa MBA-in Inter District Team Championship a buatsaih turah an tel thei ang.
Aizawl South District Inter Club Tournament-a inelnaah category 8 awmah Kulikawn Badminton Club hian gold 3, silver 2 leh bronze medal 3 lain an champion a, pahnihna Mizoram Police Badminton Club-in gold 3 leh silver 2 an la ve thung.
Aizawl Central District tournament-ah Saron Veng Badminton Club hian gold 5 leh silver 5 an la a, pahnihna Kanan Badminton Club-in gold 1 leh silver 2 an la ve thung.
Aizawl North District-ah Electric Veng Badminton Club-in gold 3 leh silver 3 lain overall champion an ni.
Aizawl pawn district zinga Inter Club tournament buatsaih thei awmchhun Kolasib District Badminton Association (KODBA) hian inelna hrang hrang 13 awmna tournament a buatsaiha, club 16 aṭangin player 210 an tel. A pumpuia champion Venglai Shuttlers hian gold 7 an la a, pahnihna Valerie Badminton Club-in gold 2 leh Silver 3 an la ve bawk.