I League aṭangin Dempo an tla

Ṭum nga national champion ni tawh Goan club Dempo SC chuan Inrinni zan khan Salgaocar 2-0 in an hneh lo a, I League aṭangin champion ngun ber an relegate.

Tla tur zawnna

I League team 11 zingah Bharat FC hi team danglam bik an ni a, second division khel loa I League khel nghal an ni.

Bharat FC hi an season khat­naah an tla thei lo. Chuvangin Dempo SC, Shillong Lajong, Sporting Goa, Salgaocar te chu match hnuhnung ber khelh hmaa tla thei an ni.

An him zel

Shillong Lajong-in chak an mamawh a, goal an mamawh. Nehru Stadium, Guwahati-ah Lajong hian East Bengal an mikhual a, minute 20-na lekah Mizo tlangval Zodingliana Tochhawng-in Shillong club tan goal hmahruai a khung.

East Bengal-in Cavin Lobo hmangin sipurh sut mah se Lajong-in Cornell Glenn-a hatrick leh Semilen Dounge te goal hmangin 5-1 in hnehna an chang a ni.

Sporting de Goa tan Odafa Okolie a che ropui a, Nigerian striker hian Pune 4-0 a an sawp ṭumin hattrick a siam.

Bharat FC-in I League khel turin an inlei tling a, anni ang bawka inlei tling Bengaluru sulhnu an chhunzawm thei lo. Bengaluru hi an season khatnaah relegate thei lo tho mah se an champion, Bharat erawh Mumbai 1-2 a hneh loin table mawngphahah an awm.

Tla bik chu

Dempo-in National Football League-ah ṭum hnih an chamion hnuin I League-ah vawi thum an champion a, amaherawhchu hruaitu lam buaina field chhung­ah a langchhuak.

Dempo lamah Gilbert Oliviera leh Darryl Duffy ten goal an khung a, Salgaocar 2-0 in an chak.

Goan club Dempo hian I League match 20-ah vawi thum chiah an chak.