Vawiin aṭangin volleyball inelna

Mizoram Volleyball Association (MVA) buatsaih - Under 17 Boys & Girls Volleyball Tournament chu vawiin aṭangin khelh ṭan a ni dawn a, December 6, Zirtawpniah a hmawr bawk a ni ang.

Inelna hi Chanmari West leh Tuikual Indoor Stadium-ah te khelh tur a ni dawn a, mipa team 30 leh hmeichhe team 6 te an inlan dawn a ni. Mipa hi knockout system a khelh a ni ang a, hmeichhia erawh pool 2 a ṭhenin, pool champion ve ve ten final an khel ang.

Tournament a che ṭha leh promising player 20 hnenah D3 Business Enterprise Incentive Rs.5000 ṭheuh pek an ni ang.