Chanmarians hmaah Chhinga Veng

Cricket Association of Mizoram (CAM) hnuaia inelna President’s Cup 2024 chu vawiin hian a hmawr bawk a ni dawn. Chawhma dar 11:00 hian Suaka Cricket Stadium, Sihhmuiah Chanmarians leh Chhinga Veng ten nomawi an inchuh dawn a ni.

Inrinni khan semifinal khelh zawh niin, Chanmarians hian Ramhlun Venglai chu wicket rukin an hneh a, semifinal hmasa zawkah Chhinga Veng chuan wicket sarihin an hneh ve bawk.