Jerry Mawia a mawi

Pathianni zan Indian Super League inkhelah Odisha chuan tun season-a vawi khat chiah la tlawm Bengaluru chu 4-2 in an hneh a, Jerry Mawihmingthanga chuan minute 10-naah goal hmahruai a khung - Jerry-a goal khung hi Isak Vanlalruatfela siamsak a ni.

Odisha tan Diego Mauricio chuan goal hnih khungin, Mourtada Fall chuan goal khat a khung bawk a, Mauricio goal khung pakhat zawk hi Jerry Lalrinzuala siamsak a ni - Bengaluru tana Sunil Chhetri leh Edgar Mendez goal khungin awmzia a nei phak lo.

Pathianni zan inkhelah Odisha tan K. Lalṭhathanga (Puitea) chuan inkhel bul a ṭan bawk a, Bengaluru tan bench aṭangin Lalremtluanga Fanai a lut bawk.