Nistelrooy hoin Foxes inlan dawn

Leicester City chuan Ruud van Nistelrooy enkawlna hnuaia an match hmasa ber chu zanin dar 1:45 hian an khel dawn a, Arsenal laka 5-2 a tlawm hlim West Ham an mikhual ang.

Dutch coach hian November 24 khan Foxes hi a zawm a, kum hnih leh a chanve chhung atan contract a ziak. Mahse, Inrinni zana Brentford nena an inkhelah Nistelrooy hian a club thar hi a la kaihruai lo a, 4-1 in an tlawm.

Premier League table-ah 16-na ni mekin, relegation zone aṭanga an himna hi point khat chauh a ni a, him an duh chuan Dutch coach hoa zanin aṭanga an chak ṭan a ngai ang.

Nistelrooy hian Dutch club PSV Eindhoven chu May 2022 - May 2023 inkar kha enkawlin, KNVB Cup leh Johan Cruyff Shield a chawipui a, thla hmasa lawk khan Manchester United coach lailawk niin, match liah vawi thum a chakpui a, vawi khat draw a nei bawk.