Real an tho lehnghal

Liverpool laka an tlawm hnuah Real Madrid an insiamṭha lehnghal a, Pathianni zan khan La Liga inkhelah Getafe chu 2-0 in an hneh - Real tan Jude Bellingham chuan penalty aṭangin goal hmahruai a khung a, sawisel hlawh Kylian Mbappe pawhin a thiam a la theihnghilh lo tih pholangin, minute 38-naah Bellingham-a siamsak chu a khung bawk.

Getafe-in goal khungna chance nei ve tho mah se, an chhawr thei lo a, Christantus Uche chuan post pet perin, John Patrick chuan crossbar a tihper bawk - Real tan Brahim Diaz, Fede Valverde leh Mbappe ten an chance neih an chhawr thei bik lo.

Real-in hnehna an chan avangin hmahruaitu Barcelona an hnaih leh ta sawt a, point khat chauhin an thlau - Barca hian league match 14 an khel tawh a, Real hian match 13 chauh an la khel thung.