Transfer thuthanga buai lo Falcao

Colombiam stiker Radamel Falcao chuan club lama a hmakhua hunin a tihbuai loh thu sawiin a tana pawimawh ber chu Colombia tana Copa America nomawi chawi a nih thu a sawi.

AS Monaco striker hian season hmasa khan loan-in Manchester United a zawm a, season tawpah United-in a ngheta lakluh theihna dan nei mah se vawi 14 Premier League inkhel bul a ṭana vawi li chiah pet goal theitu hi United-in an 'risk' ngam lo.

Season hmasa lamah beisei a phak lo hle chung hian Premier League champion Chelsea chuan Falcao hi an duh nia sawi a ni.

Atletico Madrid stri­ker hlui chuan, "Tunah chuan Copa America-ah bak ka ngaihtuahna ka seng hman lo. Thuthang tam tak a awm tih ka hria a, mahse hei hian minti buai lo. Transfer chungchang buaipui tur hi chuan agent ka nei a ni," tiin transfer thuthang-in a tihbuai loh thu a sawi.

Clolumbia hi Group C-ah awmin Venezuela, Brazil leh Peru te nen an awm ho a ni.