Lomachenko-a'n Lopez a hmachhawn dawn

WBA, WBO leh WBC lightweight champion lai Vasyl Lomachenko chuan October 17-ah Teofimo Lopez a hmachhawn dawn tih a chiang a, Lopez hian IBF title kawltu a ni thung. 

Boxer pahnih inhneka chak zawk hian lightweight-a kawnghren lian tham pali chu an kawl vek dawn tihna a ni a, boxer pahnih inhmachhawn tur hi khawvel hmuh châk a ni. 

Kum 32 mi Lomachenko hian vawi 15 fight-a hmachhawn tawhah vawi khat chiah chak loh a nei a, a tlawm chhun pawh hi a career ṭantir lam a ni - weight division hrang hranga khawvela boxer ṭha ber pawlah ngaih a ni mek. 

Kum 23 mi Lopez hian vawi 15 inhnek hmachhawn tawhin a la chak vek thung a, boxer pahnih record-a ropui avangin boxing khawvel chuan nghakhlelin he hun thleng tur hi a thlir.

American boxer Lopez chuan, "Lomachenko rorel hun chu a tawp ta," tiin Ukrainian boxer a vau lawk a, Lomachenko chuan, "Lopez hi a duhtawkin ṭawng rawh rawh se - hei hi a ṭhatna ber a ni," tiin a hlau 

lo hle.