Wolves-in loan-in Vitinha an lalut

Wolverhampton Wanderers chuan bazar nan Portuguese football an hman chhunzawm zel a, Porto aṭangin midfielder Vitinha chu season khat chhung an hnena khel turin loan-in an lalut. 

Kum 20 mi midfielder hian January khan Porto tan a match hmasa ber a khel ve chauh a, inelna hrang hrangah match riat khelin Primeira Liga-ah Porto hi champion nomawi a chawipui. 

Portugal Under 21 international hian season tawpah a nghetin Premier League club hi a zawm thei ang. Wolves chairman Jeff Shi chuan, "Vitinha lakluh hi kan tan a pawimawh a, player naupang tak, talent nei ṭha bik a ni," tiin a sawi. 

Wolves hian Vitinha hma hian Porto tana a khelhpui Fabio Silva chu an lo lalut tawh a, kum 18 mi striker hi an club player manto ber ni turin pound maktaduai 35.6-in an lalut. 

Nuno Espirito Santo-a enkawl Wolves hian kar tir lam khan Brazilian left-back Marcal chu Lyon aṭangin an lalut tawh bawk.