I League 2 atan Chanmariin training an ṭan

Chanmari FC chuan January 18, Inrinni aṭanga khelh ṭan tur I League 2 atan December 2, Thawhṭanni aṭang khan Chite Playground-ah training an ṭan. I League 2-ah hian AFC A Licence coach a ngaih avangin Lalsangzuala Hmarin a enkawl chhunzawm dawn lo a, training hmasa ber hi assistant coach Rochhingpuia hoin neih a ni.

I League 2 hi home leh away a khelh tur a ni a, inelnaah hian Chanmari bakah Bengaluru United (Karnataka), Diamond Harbour (West Bengal), Klasa (Manipur) Neroca (Manipur), Trau (Manipur), SAT (Kerala), Sporting Goa (Goa), United (West Bengal) leh India Under 20 te an tel.

Vawi hnih ṭheuh an inkhelh kual hnuah a sang pahnihin I League ang khel ang a, a hniam pahnih erawh I League 3-ah an relegate thung ang.