International coach atan Thansanga

International Tae-kwondo Coach License Level-1 training chu September 8-9 chhung khan neih a ni a, he hunah hian Mizoram Amateur Taekwondo leh SYS coach ni bawk Joseph Thansanga chuan hlawhtlinna changin Level-1 coach nihna hlan a ni.

Joseph Thansanga hi Mizo zingah chuan Intertnational Taekwondo coaching license nei hmasa ber a ni. Training-ah hian ram hrang hrang paruk aṭangin mi 60 an inlan, an zinga 47 chuan hlawhtlinna an chang.

Ni hnih chhungin subject hrang hrang - competition rules thar, case study, game management, medical care & anti-doping, safeguarding, sports psychology, coaching skill-te zirin online exam an paltlang a ni. 

India Taekwondo chuan September 28 aṭanga August 4 chhung hian Online National Taekwondo Poomsae Championship a buatsaih dawn, inelnaah hian MATA chuan an player inlantir leh ngei an tum. Tournament-ah hian Joseph Thansanga hi judge zinga mi a ni 

nghal ang.