Liverpool laka ka beisei loh a ni - Pep

Pathianni zan khan Manchester City-in khualmualah Liverpool an lenchilh a, 2-0 in an tlawm. Inkhelh laiin Liverpool fan-ten Manchester City boss Pep Guardiola an tih el a, "Naktuk zingah an ban dawn che..." tiin an zai - inkhelh zawhah Pep chuan Reds fans aṭanga auh nawmnah a nih a rin ngai loh thu a sawi chhuak.

Thla hmasa lawka Etihad Stadium-a kum hnih dang cham tura contract ziaktu Pep chuan, "Anfield-a khatianga min auh nawmnah kha ka lo beisei ngai lo a, Liverpool mipui lak aṭanga ka dawn turah ka lo dah lo hrim hrim.

"Mahse, a pawi lo e, hengte chu inkhelin a ken tel ve reng a ni a, ka hrethiam lutuk. Liverpool nen hian ngaihnawm leh hmuhnawm takin kan lo inel tawh ṭhin a, ka zah em em a ni. Stadium ka kalna apiangah min ban an duh thu an sa a, Brighton aṭang khan a inṭan tawh. Kan result neih en ila, a awm viau tho e," a ti.

City hi Liverpool an ngam loh chiah khan inelna hrang hrangah match sarih a zawnin an chak zo tawh lo tihna a ni a, heng zinga parukah hian an tlawm a, vawi khat an draw. Zanin dar 1:00-ah league match khel turin season hmang ṭha tak Nottingham Forest an mikhual dawn a, chak an tum ang.