Del Potro a chawl ta

US Open champion hlui Juan Martin del Potro chuan tennis khelh a chawlhsan fel ta - a match hnuhnung ber atan Novak Djokovic nen exhibition match an khel a, a infiamna ngainat tak mai chu a mangṭha ta a ni.

Argentine tlangval Del Potro hi theihna nei sang tak mai a ni a, mahse hliamin a tlakbuak nasat em avangin a thlen san tur angin a thleng sang tawk lo, a hun tam zawk chu a hliam enkawl nan a hmang.

Kum 36 mi Del Potro hian a match hnuhnung ber hi Buenos Aires-ah khelin a match hming atan 'The Last Challenge' an phuah, a hmunah entu 15,000 lai pungkhawmin inkhel tura a sawm Djokovic hi 6-4 7-5 in a hneh.

Del Potro chuan, "Ka ni tin hun hman dante ka chhut let a, hetiang hun ka thleng ve ta mai hi hnuk a ulh lo thei lo. Naupan lai aṭanga kan suangtuah hun kan tawng chho a, tunah chuan a lo tawp leh ta der mai, hun hi a liam chak a ni," tiin a sawi.

Grand Slam vawi 24 champion, hun hnuhnung hmanpui tura a sawm Djokovic chuan, "Juan Martin del Potro hi mite ngainat em em a ni a, a hun tawn harsa tak a hmachhawn dante kha midang tan a entawk tlak hle," a ti.