Tchouameni-a'n training zawm

Real Madrid-in chanchin lawmawm hriat tur an nei a, thla khat zen zawn hliam vanga a chawlh hnuah Aurelien Tchouameni chuan club training a zawm leh tawh - zanin dar 1:30-a Athletic Bilbao an lenchilh hunah a inlan thei mai thei.

Madrid khaw club hi tun season-ah hliam vangin an buai hle a, centre back-ah phei chuan Atonio Rudiger chu regular player zinga dam awmchhun a ni. German defender hi kum 21 mi Raul Asencio nen an inkawp ṭhin a, Tchouameni hi a lo kir thei a nih chuan midfielder ni mah se, coach Carlo Ancelotti-a'n tlarhnung laiah Rudiger nen a inkawptir lo ang tih a sawi theih loh.