Axelsen a inkhel thei dawn lo

Viktor Axelsen chuan BWF World Tour Finals a khelh theih loh tur thu a sawi, Denmark tlangval hi a tirah chuan inlan tura beisei ni mahse hliam vangin a inkhel thei dawn lo.

Axelsen chuan, "Ka ke vei lam hliam a dam fel thei lo a, vanduai thlak takin HSBC World Tour Finals ka khel thei dawn lo. Damdawi lam thiam ka be rawn a, anni chuan hun rei tak ka chawlh a ngaih loh zawk nan inenkawl ṭha turin min ti," a ti.

Badminton thiam zual pariat inelna BWF World Tour Finals hi December 13-17 chhung hian China rama khawpui pakhat Hangzhou-ah khelh a ni ang.