Derby coach thar atan Paul Clement
Thla hmas lawka an manager Steve McClaren bantu Derby County chuan an manager thar atan Real madrid assistant manager hlui Paul Clement an ruat.
Kum 43-a upa Paul Clement hi Real Madrid-ah Carlo Ancelotti nen an thawk dun ṭhin a, Italian coach hi ban a nih hnuah Real-a a hna hi a bansan ve leh nghal a ni. Clement hian Chelsea leh PSG-ah assistant manager hna a lo thawk tawh ṭhin bawk a, coach puitling ang erawh chuan team a la enkawl ngai miah lo thung.
Championship club Derby chief executive Sam Rush chuan, "Paul hi khawvela coach sawmtu ngah ber pawl niin kan chang thei hi kan vannei takzet a ni. Football tana a hnathawhte avangin mi zawng zawng zah leh entawn a ni a, Europe-a club ṭha ber ber a coaching tawnhriat lo nei tawh a nih avangin kan club hian kan ṭhatpui ngei ka ring tlat a ni," a ti.