Duhtu ngah Franco Di Santo

Werder Bremen stri­ker Franco Di Santo agent Gustavo Goni chuan Wigan Athletic striker hlui chu Europe-a striker rimtu ngah ber pawl niin a sawi.

Di santo hi tun sea­son-ah German club tan hian a che ṭha hle a, Bundesliga match 26 a khelhah goal 13 khungin Werder Bremen innghahna ber a ni.

Goni chuan, "Di San­to hian Bundesliga club dang mai bakah Spain, Italy, England leh Holland aṭang thlengin rimtu a nei a, amah rimtu te hi club lian tak tak vek an ni bawk," tiin a striker duhtu club te chu club tenau an nih loh thu a sawi lang.

Di Santo hian Werder Bremen-ah hian season khat dang cham turin contract a la nei mek a ni.