Engnge an sawi?

Bengaluru defender Chhuantea chuan, "Kan khelhpuite statistics kan nei thlap zel a, Katsumi leh Norde te ven kha kan tum lawk a ni. Amaherawhchu corner kick-a kan marking fuh loh kha kan chak lohna chhan a ni. Mohun Bagan an ṭha a, Jeje te ka lawmpui khawp mai," tiin a sawi.

Bengaluru keeper Thuama chuan, "Sawi belh tur vak pawh a awm lo. Theihtawp kan chhuah a, a bak chu Pathian remruat a ni. Kan coach pawh kan khelh danah a lungawi a, penalty min pe lo erawh hriatthiam har a ti hle," a ti.

Bengaluru winger Beia chuan, "Inhliam lo ilang chuan ka khel ve tur a nia, khelh ve chu a châkawm khawp mai. Set piece-a goal kan chhuah leh ṭhin hi kan chak lohna chhan chu a ni," tiin a sawi.

Mohun Bagan forward Jeje Lalpekhlua chuan, "Kan chak loh takah kha chuan luh chu vat vat chu châkawm tak a ni. Amaherawhchu a hun takah min luh tirah ka ngai. Kan hlawhtlinna hi Pathian vang liau liau a ni a, sawi ngaihna vak pawh ka hre lo, ka lawm a ni," a ti.

Jeje chuan sawi chhunzawmin, "A hmasa berah chuan Pathian chungah ka lawm a, min support-tu leh min ṭawngṭaipuitu zawng zawng chungah ka lawm em em bawk. Ka chhungten kawng engkimah min ṭawiawm a, anni vanga hetiang dinhmun thleng thei ka ni," tiin lawmthu a sawi.