Ferrari-in car sen duk hmang dawn

Formula 1 team hlun Ferrari chuan tun kar tawpa Tuscan Grand Prix tlan hunah hun pawimawh bik an tawng dawn. Italian team hian F1 huanga inelna vawi 1000 an hmachhawn tlinna tur chiah a ni a, an car sen lar chu a sen dukin an thlak ang.

Kum 1950 aṭang khan Ferrari-in F1 an luhchilh a, an hun hmasa bera an car rawng ang khan an siam leh dawn a ni. Driver Sebastian Vettel leh Charles Leclerc te pawhin intlansiaknaah hian a bik taka siam thuamhnaw an ha dawn.

F1 legend Michael Schumacher-a fapa Mick Schumacher chuan a pa in world title a lak hnuhnung bera a car khalh F2004 a rawn khalh chhuak dawn a, inelna pangngai neih hmain a tlan ang.