Vawiinah Rodgers-a dinhmun a chiang dawn

Liverpool neitu zinga mi Tom Werner leh tunhnaia Liverpool manager hna aṭanga ban mai tur anga an sawi reng Brendan Rodgers te chuan vawiinah inbiakna an nei dawn a, season liamta a club dinhmun thlirna neiin Rodgers-a hmalam hun pawh tichiang tura in ruahman a ni.

Tun season-a Reds chet chhiatpui em em tu Rodgers hi ban ni tur anga thuthang tam mahse club neitu pahnih Tom Werner leh John W. Henry te chuan ban a nih tur thu hi an lo pha tawh a ni.

Swansea City boss hlui hian 2013-14 season khan Liverpool a chet ṭhat pui hle a, pahnihna dinhmunah a hlangkai. 2014-15 season beiseina sang tak nen an thlir a, Champions League group stage aṭanga a tlak pui mai bakah Premier League-ah parukna a nih pui hram a, kum thum Liverpool manager nichunga trophy chawi miah lo hmasa ber a ni.