PSG-ah Javier Pastore a nghet

Argentina attacking midfielder Javier Pastore chuan kum thum dang cham belh turin a khelh mekna French club ṭha Paris Saint-Germain tan contract thar a ziak.

Kum 25-a upa Pastore contract neih lai hi nakum season tawp ruala tawp tawh tur a ni a, mahse contract thar a ziah tak avang hian kum 2019 thleng chu PSG-ah a cham dawn tihna a ni.

PSG tan match 175 a khelha goal 34 thuntu Pastore chuan, "Ka season hman tawh a zawnga season duhawm ber ka hman zawh hnu lawka contract thar ka ziak thei hian min ti lawm hle a ni. Title tam zawk lak belh zel chunga Champions League final khelh hi he team tana ka tum ber a ni tawh a ni," a ti.

Pastore hian tun season-ah PSG hia chet ṭhat pui hle a, domestic cup treble champion a nih pui bakah kum thum chhung a zawna quarter-final an luhna hmel a hmuh pui a, hengahte hian team tan a thawhhlawk hle.