Pogba dah sangtu Pirlo

Juventus midfielder Andrea Pirlo chuan a team-mate Paul Pogba a dah sang hle a, kum 22-a upa midfielder chu Europe-a ṭha ber a la nih theih thu a sawi.

AC Milan midfielder hlui chuan, "Tuna a khelh dan ang renga a khelh theih chuan Europe-a midfielder ṭha ber pawl nih hi a harsat lo ang. A kum zat nena chhut ngat phei chuan rei tak chhung Europe-a midfielder ṭha ber a ni thei ang," tiin French midfielder duhawm chu a fak.

Kum 36-a upa midfielder chuan, "Engtin nge Manchester United khan chhuah tir an phal zawk tih kha ka hriatthiam loh chu a ni. Tuna an midfield neih hi en ula, Pogba an mamawh zia in hmu ang. Alex Ferguson nen khan mimal buaina an nei a nih ngawt loh chuan a thiamna enin chhuah phal chi a ni lo," tiin Pogba chu a dah sang hle.