Phone call hmanga chhuah Taylor leh Gutierrez
Newcastle defender Ryan Taylor chu manager lailawk John Carver-a'n an chhuah zalen thu a hrilh a, hemi ṭum vek hian Carver chuan Taylor chu Jonas Gutierrez hnehah phone pe turin a hrilh a, thu ngai bawk a hrilh.
Newcastle hian an match hnuhnung berah West Ham 2-0 in an hneh a, Premier league khelh chhunzawm turin an him hram.
Gutierrez hi cancer ngamtu a ni a, Hammers an hneh ṭumin goal khungtu a ni. Kum 31-a upa Argentine winger hian kum 2008 khan Newcastle a zawm a, match 205 khelin goal 12 a khung.
Goal pawimawh a khung chunga a contract an pawtsei lo hi a mak lo a, Gutierrez hian club neitu Mike Ashley chu a damloh laia an ngaihsak tawk loh avangin a sawisel a, manager chhuak ta Alan Pardew-a'n Newcastle chhuahsan tura thurawn a pek thu a sawi bawk.
Jonas ruala chhuah tir kum 30-a upa Taylor hian 2009 khan Newcastle a zawm a, club tan vawi 110 zet a inlan.
Phone call chu
English defender Taylor chuan, "John Carver-a'n min rawn bia a, contract thar min pek belh tawh loh tur thu min hrilh. Reilote kan inbiak hnuin Jonas hnehah phone pe chhawng turin min hrilh zui a, a chet dan kha hriatthiam har tak a ni," tiin phone call pakhata player pahnih ban an nih chu mak a tih a thu a sawi.
Taylor chuan sawi chhunzawmin, "John nen kan inbe chunzawm a, tihtura an tih anga ti a nih miau avangin dem theih a ni lo. Amah pawhin a ruala professional player pahnih contract tihtawp chu hreawm a ti hle," a ti.
Argentine defender Gutierrez pawhin thleng dan chunchang sawiin, "Contract thar chu ka beisei lo, tunah chuan hmalam pan tur ka ni. Ka sawi tel duh chu thu pawimawh hrilh turin kei emaw ka agent emaw call tur kan awm," tiin Taylor-a phone kaltlanga ban chu hriatthiam har a ti hle.
Coach thar
Season thara Newcastle manager a la chiang lo a, hming sawi rik zingah Arsenal midfielder hlui Patrick Viera leh England manager hlui Steve McClaren te an tel.
Manchester City U21 manager Vieira hian tun kar hian interview a hmachhawn dawn a. Arsenal tana a khelh laiin league title pathum leh FA Cup title pali la mah se club enkawl lamah English league sang berah tawnhriat a la nei lo.
Manager lailkawk Carver-a'n Newcastle enkawl zel a duhthu a sawi mah se a dinhmun a chiang bik lo. Premier League-a 15-na Newcastle hian kar hnih chhungin manager thar an tihchian beisei a ni.