2015 NBA Final Golden State Warriors vs Cleveland Cavaliers

Zirtawpni zing dar 6:30 khian Oracle Arena, California-ah Eastern Conference champion Cleveland Cavaliers leh Western Conference champion Golden State Warriors te an inkhel dawn.

NBA Final-a ngaihven hlawh chu Cavaliers star Lebron James leh Warriors point guard Stephen Curry-a te an ni. Internet lamah chuan Lebron-a hming hi darkar khat danah vawi 4,098 tarlan a ni a, Curry hi darkar khat danah vawi 3,969 sawi anga chhut a ni bawk.

Rinkai Warriors

Golden State Warriors hi regular season-ah vawi 67 an chak a, vawi 15 chiah an chak lo. Western Conference hmahruaitu an ni a, Conference champion tura rin an nih ang ngeiin an champion. Final-a an khingpui tur Cavaliers aiin record an nei ṭha zawk.

Cleveland Cavaliers erawh regular season-ah vawi 53 an chak a, vawi 29 chak lo in, Atlanta Hawks hnuaiah an awm. Amaherawhchu Cavaliers-in LeBron an nei a, Eastern Conference champion an ni. Conference final-ah Atlanta Hawks 4-0 in an sawp.

Team chanchin

Warriors-in Thawhlehnia an practice zawhah guard Klay Thompson khelh theih tur an puang, starting five pangngai an hmang thei dawn. Thompson bakah Stephen Curry, Draymond Green, Andrew Bogut leh Harrison Barnes te inkawp hi tun season-a fuh ber ang hiala chhal theih a ni.

Curry hian khawi hmun aṭang pawhin a lut thei a, regular season-ah Most Valuable Player a thlan a ni a, three points thun tam lamah record thar a siam bawk. Curry kawppui Thompson hi three points thun tam lamah pahnihna a ni a, inhliam vanga ngai a awh loh chuan a aiawh turin Steve Kerr a awm ang.

Cleveland-in dar hliam vangin Kevin Love an chan a, hrem vangin JR Smith match hnih a khel thei dawn lo. Cleveland starting five thar LeBron James, Kyrie Irving, Timofey Mozgov, Tristan Thompson (Love aiah) leh Iman Shumpert (Smith aiah) an hman a rinawm a, chakpui tham an ni.

LeBron hian thil ropui a tih theih apiangin a teammate-te tan anmahni hna thawh a tawk. Irving-a'n three point aṭanga a shot 48% a lut a, Thompson-a'n playoff game tinah 11.1 rebounds a nei a. Mozgov-a'n defensive a pui ṭha bawk. Cleveland hi Warriors angin bench nei chak tawk lo a, hei hi result ti danglam thei tur a ni.