Manor adviser thar atan Bob Bell

Anglo-Russian Formula 1 racing team Marussia Manor chuan an adviser thar atan Mercedes technical director hlui Bob Bell an la lut. Bell hian management team chu thurawn a pe ṭhin ang.

Kum 57-a upa Bell hian November thla khan Formula 1 inelna alo chawlhsan tawh. Bell-a hian Renalut technical director a nih laiin kum 2005 leh 2006 khan con­structors' championship-ah a team te chu pakhatna a lo nih pui tawh a ni.

Tun season-ah Manor hi an che chhe hle mai a, team constructors' cham­pionship-ah point pakhatmah la hmu loin a mawngphah-ah an awm mek. An driver pahnih Roberto Merhi leh Will Stevens te chuan tun season-ah point pakhatmah an la hmu ve lo a ni. Hetih lai hian driver championship-a hmahruaitu Mercedes driver Lewis Hamilton chuan point 126 a hmu tawh thung.

Manor team hian indinthar a, insiam ṭhat an duh tawh takzet avangin Bell bakah hian Toro Rosso chief designer hlui Luca Furbatto leh chief engineer atan Gianluca Pisanello chu an la lut bawk.