World champion Dubois hmaah Parker

World heavyweight title kawltu Daniel Duboi chuan champion hlui Joseph Parker lakah a title humhim a tum dawn a, Saudi Arabia-ah Ferbuary 22, 2025 hian title fight hi neih a ni ang.

Kum 27 mi Dubois hian September thla khan IBF belt hi Anthony Joshua lakah a humhim. New Zealand boxer Paker hi kum 32 mi a ni a, kum 2016 leh 2018 chhung khan WBO title kawlin Joshua lakah a hloh thung.

Dubois hian Joshua a hneh avangin inrintawkna nasa tak a nei dawn a, a chet dan hi kum 2020-a Joe Joyce a hneh loh ṭum nen chuan a inthlau tawh hle. Parker hi chiang taka a hneh theih chuan Dubois hian sum ṭhahnem tak hlawhin Joshua a hmachhawn nawn thei ang a, a nih loh pawhin December thlaa inhnek tur Usyk leh Tyson Fury te chak zawk a hmachhawn thei bawk.

Chutihrualin Dubois khingpui tur Parker hi a nung ṭha a, trainer Andy Lee hnuaiah harhtharna rawn chan ngei a tum. Professional a luhchilh hnuah Paker hian fight vawi 38 hmachhawn tawhin vawi 35 a chak a, heng zinga vawi 23 hi knockout hmangin a chak.

Riyadh-a inhnek turah hian Artur Beterbiev chuan undisputed light-heavyweight title chu Russian boxer Dmitry Bivol nen an inchuh nawn leh dawn. Berterbiev hian kumin October thla khan Bivol hi hnehin WBC/IBF/WBO light heavyweight title hi a humhim.