Futsal League club enkawl turin AFC Level 1 coach

MFA Futsal League club-te chu AFC Futsal Level 1 Coaching Course kalte chauhin an enkawl thei tawh dawn. December 9-14, 2024 chhung hian AIFF leh MFA ṭangkawpin 'AFC Futsal Level 1 Coaching Course' chu R. Dengṭhuama Indoor Stadium, Mualpuiah a buatsaih ang.

MFA Futsal League 2024-25 ah hian ‘AFC Futsal Level 1 Course’ kal lo, head coach/coach atana hmang an awm chuan, hremna a awm dawn. Match khatnaah Rs 2,000 an chawi ang a, match dang zelah a let zelin an pawisa chawi hi a pung dawn.

Division I club tan pawh AFC Futsal Level 1 Coaching Course-a tel hi a dil theih a, course fee hi Rs 22,300 (AIFF - Rs 11,800 leh MFA - Rs 10,500) a ni ang.