Mizoram cricket team chak

Board of Control for Cricket in India (BCCI) hnuaia T20 inelna - Syed Mustaq Ali Trophy khelh mekah Mizoram chuan an khingpui Meghalaya chi wicket rukin an hneh.

Group A match hi Rajkot, Gujarat-a khelh niin, Thawhlehni tlai khan ṭhum vawrah Meghalaya chakin vuak hmasak an thlang a, over 20 chhungin run 111 siamin wicket riat an hloh.

Mizoram captain Bobby Zothansanga leh K. Vanrotlinga te’n wicket khat ve ve an la a, state pawn aṭanga lak KC Cariappa leh Mohit Jangra te’n wicket hnih ve ve an la bawk.

Mizoram lamin bat ve lehin opener Agni Chopra (Outstation) chuan run 56 siamin a out lo a, Joseph Lalthankhuma’n run 26 siamin partnership ṭha tak an nei thei a ni. Awlsam takin Mizoramin an target an umpha thei a ni.

Mizoram hian an match hnuhnung ber atan vawiin hian Hyderabad an hmachhawn leh ang.