Odisha khelmualah Mumbai City

Indian Super League chu Thawhlehni zan an chawlh hnuin, nizan aṭang khan khelh ṭan leh a ni a, Hyderabad-in FC Goa mikhualin, an result kan hre hman lo - zanin dar 7:30-ah pawh inkhel pakhat a awm leh dawn a, tun hnaia result nei ṭha Odisha leh Mumbai City an

intawng dawn.

Odisha hian an league match hmasa pariatah vawi hnih chiah hnehna an chang a, mahse, tun hnaiah insiamṭhain, an match hnuhnung pahnihah an chak ve ve. Odisha chak nan Mizo player, Jerry Mawihmingthanga, Jerry Lalrinzuala, K. Lalṭhathanga (Puitea) leh Isak Vanlalruatfela te an ṭangkai ṭhin a, zaninah pawh bul ṭan leh tura beisei an ni.

Champion lai Mumbai hian nipui laiin player ṭha an chân nual a, an inthuamṭhat leh si loh avangin an tuar tiin a sawi theih. Mahse, anni pawh an league match hnuhung palia vawi khat chiah an chak hnuin an insiamṭha ve leh tawh a, an match hnuhnung berah Hyderabad chu 1-0 in an hneh.

Mumbai hi captain Lallianzuala Chhangte hoin an inlan ṭhin a, full back Hmingthanmawia'n hmun pawimawh a chang ṭhin bawk - zaninah Mizo player pawimawhna team pahnih inlan tur hi en a châkawm hle.