AC Milan an chak chiang

Coppa Italia quarterfinal lut turin AC Milan chuan harsatna lian tham an tawk lo - Thawhlehni zan last 16 inkhelah Milan hian an mikhual Sassuolo chu 6-1 in an sawp.

San Siro-a inkhelah Milan tan hian Samuel Chukwueze chuan goal hnih a khung a, ani bakah hian Tijjani Reijnders, Rafael Leao, David Calabria leh Tammy Abraham ten goal khat ṭheuh an khung a, mikhual tana Samuele Mulattieri goal khungin awmzia a nei phak lo.

AC Milan manager Paulo Fonseca chuan, "A tir aṭangin kan khel ṭha em em a, goal khung kan harsat loh miau avangin inkhel chawhnu lamah phei chuan player kan siksawi theih phah hial.

"Ka sawi tawh ṭhin ang khan ka naute hian theihna sang tak an nei, tun ṭuma an khelh dan hian min ti lungawi hle a ni. Coppa Italia ang bawk hian Serie A lamah pawh khelh kan tum ang," tiin a sawi.

Thawhlehni zan Coppa Italian last 16 inkhel dangah Bologna pawhin an mikhual Monza chu 4-0 ngawtin an sawp. Mualneitu tan hian player pali - Tommaso Pobega, Riccardo Orsolini, Benjamin Diminguez leh Santiago Castro ten goal khat ṭheuh an khung.