Guehi leh Morsy ten LGBTQ an thlawp ve duh lo

"Isu ka hmangaih che" tih a ziah avangin football thuneitu lam beng a thleng a, mahse Crystal Palace captain Marc Guehi chuan 'Isua'n a hmangaih che' tih a ziak nawn leh sak.

Premier League-in neih inang inkawp an thlawp. LGBTQ an thlawpna hi November 29 aṭanga December 5 chhunga lantir tur a ni a, club captain te chuan an captain armband atan rainbow armband an hreng hlawm a ni.

Palace captain Guehi hian rainbow armband chu a hreng ve ngei a, mahse chumi chungah chuan Isua a hmangaih thu leh, Lal Isua'n mite a hmangaih thu a ziak a ni.

EPL team 20 zingah Ipswich Town captain Sam Morsy chu rainbow armband hreng duh lo awmchhun a ni bawk a, ani hi Muslim mi niin a sakhuana nen a inrem ve lo loh vanga ti lo niin Ipswich chuan an sawi.

England rama football thuneitu sang Football Association dan leh hrai ang chuan, mi tu pawhin a kawr leh kekawr bakah a pheikhawkah sakhuana lam lantirna a tih lan a remchang lo - Guehi chungah hian eng ang thu nge an la neih dawn sawi chian a la ni rih lo thung.