India chess team hod Mizo pa

18th Asian Schools Chess Championships chu Bangkok, Thailand-ah December 1, Pathianni aṭang khan neih ṭan a ni a, December 11, Nilaini thleng neih a ni dawn. Dinthar pa H. Lalthlamuana (Muantea) chu India team-ah head of delegates a ni.

Muantea hi Mizoram Chess Association (MCA) General Secretary a nih bakah All India Chess Federation (AICF)-ah Joint Secretary hna a chelh bawk.

Inelnaah hian Asia khawmualpui hrang hrang aṭangin player 570 vel an kal khawm a, player-te hi India bakah Russia, Mongolia, Kyrgyzstan, Kazakhstan, Pakistan, China, Japan, Vietnam, S. Korea, Philipines, Malaysia, Myanmar, Sri Lanka, Bangladesh leh Australia aṭangtein an fuan khawm.

India aṭangin player 12 thlanchhuah bakah mahni sensoin player 33 an tel a, category hrang hrang Under 7/9/11/13/15 -ah ṭhendarh an ni a, mipa leh hmeichhe inelna a awm vek.

Inelna hi hi FIDE LEH Asia Chess Federation huaihawt niin Thailand Chess Association-in an buatsaih a ni thung. An khelhna hmun hi Pathumwan Institute of Technology, Bangkok a ni.