FC Goa an chak leh ta

Indian Super League match li a zawna an chakna ni turin FC Goa chuan Hyderabad 2-0 in an hneh a, Udanta Singh leh Iker Guarrotxena ten goal khat ve ve an khung - hun tawp thlenga goal dang lut loin, Goan club an chak.

India coach ni bawk Manolo Marquez-a'n FC Goa hi league match 100 a kaihhruaina chiah a ni a, point thum a hlawhchhuahpui - Goan club tan Ayush Chhetri chuan inkhel bul a ṭan a, Hyderabad tan Lalbiakhlua Jongte leh Ramhlunchhunga ten inkhel bul an ṭan a, Isaac Vanmalsawma chu bench aṭangin a lut bawk.