Ronaldo hnung zui duhtu Saka

Arsenal forward Bukayo Saka hian a naupan lai aṭangin Cristiano Ronaldo a ngaisang a, amah anga player ropui leh ṭha nih a duh - Gunners manager Mikel Arteta chuan hetiang rilru a pu hi thil lawmawm a nih thu a sawi.

England international Saka hian tun season kal laiah Arsenal tan goal 18 a thawk chhuak tawh - Premier League player zingah chuan goal thawh chhuah tam lamah Mohamed Salah chauh a tluk lo.

Arteta chuan, "Cristiano-a'n Manchester United a rawn zawm tirh khan, mi tam tak chuan ropui taka che turin an beisei lem lo, mahse a hnu lama a sulhnu erawh kan hria. Ani ang a entawn duh a nih chuan a rilru puthmang a ṭha," tiin Saka chungchang a sawi.

Kum 23 mi Saka hi Arsenal rinrawl a ni a, a dam a nih phawt chuan a inkhel ṭhin - Pathianni zan dar 7:30 hian Fulham an lenchilh dawn a, tlarhma sir lam aṭanga goal nawrtu a ni leh ang.