Man United receptionist a thi

Manchester United chuan an receptionist Kath Phipps chu kum 85 mi nia a thih thu an puang. Phipps hi Irlam, Greater Manchester-a cheng a ni a, naupan lai aṭanga United ṭantu niin kum 55 chhung receptionist hna hi a thawk.

Phipps chuan, "Helai hmun hi nuam ka ti a, mi zawng zawngin an hna nuam an ti kher lo ang. Kei chuan nuam ka ti. Football hi ka nun pumpui a ni," tiin kum 2023-a United website-in an kawm ṭumin a sawi.

Man United-ah hian Phipps hian hna hrang hranga a thawk hman a, player-te pawhin an ngaina. Sir Matt Busby hun lai aṭangin Sir Alex Ferguson bakah United talbuai chhoh thlengin a hna hi a thawk a, club dinhmun hrechiangtu a nih avangin club legend zingah pawh uitu a ngah hle.