Odisha leh Mumbai ten goal khung lo

Ningani zan Indian Super League inkhelah tun hnaia che ṭha tak Odisha chuan Mumbai City an mikhual a, team pahnih inkhelah goal a lut lo a, 0-0 in an inhnehtawk.

Mumbai tan Lallianzuala Chhangte leh Hmingthanmawia Ralte ten inkhel bul an ṭan a, bench aṭangin Daniel Lalhlimpuia a lut bawk - Lz-a'n Mumbai tana goal khung theihna remchang vawi tam a nei a, crossbar pet per hial pawh neiin, a vanneih zan a ni lo.

Odisha tan Jerry Lalrinzuala, K. Lalṭhathanga (Puitea), Isak Vanlalruatfela leh Jerry Mawihmingthanga ten bul an ṭan bawk.