Gyokeres-a'n goal a khung zel

Ruben Amorim-a'n Sporting Lisbon a chhuahsan hnuah pawh Viktor Gyokeres-a'n goal a khung chhunzawm zel. Ningani zan khan Sporting-in Moreirense an tlawh a, Gyokeres hian minute 12-na lekah penalty aṭangin a khung.

Kum 26 mi Gyokeres hian calendar kum chhiara 2024-ah inelna hrang hrangah goal 60 a khung tawh. Tun season-ah Premeira Liga match 13 aṭangin goal 17 a khung a, inelna hrang hrang match 22 aṭangin goal 25 a khung.

Sporting erawhin Amorim-a awm loh an tuar a tih theih a, match 11 an chak zawn hnuah match zawnin an chak lo. Santa Clara lakah 1-0 in an chak lo a, Moreirense lakah hian Gyokeres hmangin khung hmasa mah se 2-1 in an chak lo. Chutihrualin table-ah erawh Sporting hi hmahruaitu an la ni chhunzawm zel.