Juve tan record siam theihna remchang?

Zanin dar 10:30 hian Juventus chuan Bologna an mikhual dawn, goal an chhuah lo a nih chuan Old Lady hian Serie A season tir lam match 15 aṭanga clean sheet an neih tam ber record thar an siam ang.

Tun hmain Juve hian match 15 aṭanga goal chhuah loh vawi 11 an lo nei tawh, an record hmasa hi tunah an nih rual mek, mellung ṭha phun turin zanina goal chhuah loh a tawk a, thil awlsam tak erawh a ni bik loin a rinawm.

Juventus manager Thiago Motta chuan, "Record siam theih chu duhthusam a ni, chumi aia pawimawh zawk erawh ṭha takin Bologna lakah kan khel chhuak thei em tih a ni zawk. Ka naute hian chutiang thil chu an thlen tir theih ka beisei," a ti.

Old Lady hi tlawm loin la kaltluang mah se inhnehtawk an nei tam thung a, point 26 hmuin paruknaah an awm - hmahruaitu Napoli chuan point 32 an hmu tawh thung a, team ṭha dang elphak tur chuan point thum hmuh theih a pawimawh.